近日又做呢個射鵰英雄傳,仲要用返遠古時代既主題曲做配 樂,成功吸引到我注意,仔比我仲更加有興趣,佢問到底d octor strange勁啲定丘處機?
同仔睇既時候勾起好多的回憶,睇到郭靖咁蠢,自己就代入 左,由細到大都好似郭靖咁,學野好慢好蠢,唔同既係佢有 一班高人明幫暗助咁教佢武功,最慘係我睇落去,自己同郭 靖好大分別,我冇佢咁正直、勇敢、勤力。。。。。。。
之後傻姑既出現就令我更多既思考,“人”生出嚟真係唔公 平,點解我生出嚟咁蠢,點解冇貴人幫助,點解我只可以好 似傻姑咁學野只可以學得3招咁少?
但年紀越大,我開始明白每個人都有佢自己既角色,好似傻 姑咁,雖然佢係大配角,但所有人都記得佢,而且佢係故事 中的確擔當好重要既戲份,如果唔係佢講出害死江南五怪的 人,並非黃藥師,而是楊康與歐陽鋒,消除左柯鎮惡、郭靖 與黃藥師、黃蓉的誤會,先可以令到郭靖與黃蓉和好,從而 結為夫妻,沒有傻姑就冇以後既故事。
你可以話我冇用,咁就認命。。。。。我諗法係介乎於認命 與唔認命中間,我只練好3招,做好角色,繼續練習。。。 。。話唔定我係50歲既時候練到等4招呢?
沒有留言:
張貼留言