不過呢個問題真係問得好好，我要好好記錄落嚟。
首先我係做地盤既😆。有一次我見到一個高級工程師係office 勁閙一個學徒，我估計total 都鬧左半個鐘頭以上，那個學徒被鬧到頭耷耷眼濕濕，但阿工程師越鬧就越大聲，最後一句就係：我教左你咁耐，你有冇拎過本簿出嚟抄低佢，你記得晒咩！
係！我記得一入地盤第一日，我上司第一時間拎本筆記簿比我説：地盤好X多野記架，無本簿點惦呀！我係一個乖既下屬，我會記低要做既野，半年過後因為我比較勤力，所以人工加左10幾個%，其他人都係個位數字。
另一個我覺得筆記簿重要既原因係，有一次我朋友(佢係哈佛博士生)佢有一個講座，邀請左我去聽，大概係佢點樣用考古學去幫到當地既居民，其中佢講左一個經歷，就係點樣靠住一位考古學家既筆記簿既線索去搵返一啲既古蹟同埋當時既考古工人仲有佢地既子孫，佢話如果冇呢啲記錄，好多古蹟可能就永遠消失，佢又補充做考古既必定要寫日記，係一件好重要既事。
其實近呢三年，我都會寫下自己既野，唔明既事會拎張紙同筆寫下畫下就清晰好多，有唔開心就寫下，寫寫下就冇左唔開心。。。。。
一本簿用得其所，可以令你成功也可以紓解困擾，所以要好好利用。
不過其實我係冇用筆記簿的。李小龍講過以無法為有法，以無限為有限，其實做任何事都冇固定既形式既，我係用手機記錄的，不過學校唔比用🙊
